Gjatë qëndrimit në Gjermani ku mori pjesë në Samitin e Berlinit për vendet e Ballkanit Perëndimor, kryeministri Edi Rama ka zhvilluar sot një takim me kryetaren e Partisë Socialdemokrate Andrea Nahles.
Gjatë diskutimeve me zonjën Nahles, Rama e njohu politikanen gjermane me reformat e ndërmarra nga qeveria shqiptare dhe pritshmërinë për një përgjigje pozitive nga vendet anëtare të BE për hapjen e negociatave.
Siç bën me dije zyra për shtyp e Kryeministrisë, Nahles e Ramën për mbështetjen e pakushtëzuar të grupit socialdemokrat për hapjen e negociatave mes Shqipërisë dhe Bashkimit Europian.
Liderja e partisë Socialdemokrate, njëkohësisht dhe kryetare e grupit parlamentar, përgëzoi kryeministrin shqiptar për reformat e ndërmarra dhe u shpreh besimplotë për një vendim pozitiv në qershor.
Të martën kryeministri Edi Rama mori pjesë në punimet e Samitit të Berlinit, ndërkohë që pati dhe një takim kokë më kokë me kancelaren Merkel.