Rama shton masat: Lejohet ecja në këmbë vetëm në këto orare

Nga nesër kufizohet dalje e këmbësorëve vetëm në dy fash orare: 06.00 – 10.00 dhe 16.00 – 18.00.


Një gjë të tillë e ka bërë të ditur kryeministri Rama përmes një postimi në Facebook.

Po ashtu Rama shkruan se nga nesër do të ndalohet dalja në këmbë rrugëve me persona të tjerë në krah dhe kush i shkel rregullat, do të gjobitet me 10 000 lekë.

“Mesa duket nuk po kuptohemi siç duhet me disa që s’duan ta marrin vesh se nuk është kohë shëtitjesh. Nga nesër dalja e këmbësorë do të kufizohet vetëm në fashat orare 06.00 – 10.00 dhe 16.00 – 18.00. Nga nesër do të ndalohet dalja në këmbë rrugëve me persona të tjerë në krah! Shkelja e këtyre rregullave do të ndëshkohet me gjobë 10.000 lekë dhe me mosdhënien e asnjë ndihme shtetërore nga paketa financiare e luftës për shkelësin! Boll! Një pakicë e vogël fare individësh të papërgjegjshëm nuk mund të sabotojnë sakrificën e një populli të tërë, duke rrezikuar jetën e tyre dhe të njerëzve të tjerë! Ndjesë 1000 herë po kjo është luftë dhe s’ka asnjë rrugë tjetër! Frikë aspak, kujdes po! Me hir ose me pahir! Dielli aty do jetë prapë, ndërsa jetët e humbura nuk kthehen më!”, ka shkruar ai në Facebook.

🔴 MESA DUKET NUK PO KUPTOHEMI SIÇ DUHET ME DISA QË S’DUAN TA MARRIN VESH SE NUK ËSHTË KOHË SHËTITJESH🔴 NGA NESËR DALJA…

Publiée par Edi Rama sur Mercredi 18 mars 2020