×
  • Lajme
  • Shqipëria

    Shqiptarit dhe gruas rumune i zbulohet kokainë me vlerë 2 milionë Euro

    Reporteri
    23 Korrik 2021 | 14:35

    Një burrë 44-vjeçar shqiptar dhe një grua rumune 34-vjeçare janë arrestuar nga policia italiane pasi u kapën duke transportuar me makinë një sasi lënde narkotike të llojit kokainë.


    Ata u ndaluan për kontroll në dalje të autostradës Senigallia pasi udhëtonin me shpejtësi të lartë. Por gjatë kontrollit, shqiptari dhe gruaja rumune shfaqën shenja nervozizmi.

    Punonjësit e policisë sollën qenin anti-drogë për të kontrolluar automjetin. Në pjesën e pasme të makinës me targa gjermane ishte krijuar një hapësirë e modifikuar.

    Brenda u konstatuan disa pako me kokainë me peshë totale mbi 17 kilogramë. Shqiptari dhe 34-vjeçarja rumune u arrestuan në flagrancë.

    Sipas autoriteteve italiane, nëse kokaina do të hidhej në treg do të kapte një vlerë rreth 2 milionë Euro.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!