Trupi i tij u tërhoq zvarrë nga makina, gjykata vendos për dy të akuzuarit e aksidentit horror në Durrës

Gjykata e Durrësit ka vendosur mbi masën e sigurisë për dy shofertët e automjteve që përplasën 25 vjeçarin Ramazan Bata në afërsi të Shkozetit fundjavën e kaluar, duke i marrë jetën të riut në një mënyrë makabre.


Gjykata vendosi që për drejtuesit e furgonit Ferdinant Torozi të vendoset masat e burgut me afat 20 ditë, ndërsa drejtuesi i autobusit Petrit Topalli, u la nën masën e sigurisë detyrim paraqitje.

25 vjeçari humbi jetën në aksident pasi teksa po drejtonte motorin (si shpërndarës picash) u përplas fillimisht me autobusin i cili drejtohej nga Topalli. Më pas me humbjen e ekuilibrit, i riu u tërhoq zvarrë për disa metra nga makina e Torozit. Trupi i i të riut është shkëputur nga makina në afërsi të urës së Dajlanit, në hyrje të Durrësit.

Të dy drejtuesit e automjeteve janë shprehur se nuk e kanë parë viktimën të përplasjes. Fillimisht drejtuesi i autobusit është shprehur se ai nuk e ka parë të riun, por vetëm ka dëgjuar zhurmën e impaktit mes autobusit e motorit të tipit papaq.

Ndërkohë drejtuesi i furgoni i cili e ka tërhequr zvarrë trupin e viktimës për mëse 50 metra, është shprehur senuk e ka parë atë dhe se pikërisht për këtë arsye është larguar dhe nga vendngjarja.