Një ngjarje e rëndë është regjistruar pak pas mesnate në Tiranë. Mësohet se një 60-vjeçari i ka dhënë fund jetës duke u hedhur nga kati i tretë të spitalit “Shfeqet Ndroqi”, i cili përdoret për pacientët e infektuar me COVID-19.
Mësohet se viktima është identifikuar me inicialet L.S. Deri më tani nuk ka asnjë informacion në lidhje me shkaqet e kësaj ngjarje. 60-vjeçari nga Rrësheni kishte 10 ditë i shtruar në spital pasi ishte infektuar me COVID-19, ndërsa bëhet me dije se ka qenë në terapi intensive, pasi ka pasur probleme me frymëmarrjen.
Ndërkohë, grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes. Ky është rasti i 5 brenda pak muajsh që pacientë që janë duke marrë trajtim në spital hidhen nga katet e larta të tij.