×
  • Sport
  • Sport

    Ajdareviq beson se Kosova U-21 mund ta fitojë grupin

    Reporteri
    25 Maj 2019 | 21:59

    Përfaqësuesja U-21 e Kosovës muajin tjetër do të debutojë në eliminatoret për Evropianin 2021 që do të mbahet në Hungari e Slloveni, kurse Alfred Ajdareviq beson se “dardanët” e rinj mund të fitojnë grupin, përcjellin mediumet suedeze të mërkurën.


    Kosova është pjesë e grupit të tretë eliminator, të cilin e përbëjnë edhe Turqia, Shqipëria, Anglia, Austria e Andorra, shkruan sot Koha Ditore.

    Ndeshjen e parë në këto eliminatore Kosova do ta luajë në udhëtim kundër Andorrës, duel ky që do të zhvillohet më 6 qershor. Pesë ditë pas përballjes me Andorrën, Kosova do ta presë Turqinë në stadiumin “Fadil Vokrri”.

    Turqia i prin grupit me tri pikë, derisa Shqipëria e Andorra kanë tubuar nga një pikë. Kosova, Austria e Anglia ende nuk kanë luajtur në kuadër të këtyre eliminatoreve.

    “Është një grup i fortë, por ne kemi synimet tona. Duam ta fitojmë grupin dhe të kualifikohemi në Evropian, gjë që mendoj se mund ta arrijmë”, ka thënë Ajdareviq për “fotbollskanalen.se” të mërkurën.

    Ajdareviq, 20-vjeçar, ende nuk ka luajtur në ndeshje zyrtare me Kosovën, gjë që pret ta bëjë muajin tjetër.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!