Falë sukseseve deri tani, Kosova ka zënë ballinat e gazetave më të mëdha evropiane.

“Blick” i Zvicrës ka bërë një artikull për “Dardanët”, duke e vlerësuar lart paraqitjen dhe mundësinë për kualifikim.

Ky është shkrimi i gazetës për Kosovën:

“Të gjithë lojtarët duhet të bëjnë lojën e jetës”

Kosovës i duhet një fitore në Pilsen sot për të qëndruar në garën kualifikuese të Kampionatit Evropian. Trajneri Challandes dëshiron të shkojë në Mount Everest. Portieri çek Vaclik ka respekt.

Kosova në Kampionatin Evropian? Në një grup me Anglinë dhe Republikën Çeke? Faktikisht e paimagjinueshme.

Do të ishte kinema e madhe, me shumë lojtarë zviceranë apo ish-lojtarë të Superligës. Mbi të gjitha, trajneri Bernard Challandes. Skuadra e tij duhet të fitojë sot në Pilsen, kundër ekipit të ish portierit të Bazelit, Tomas Vaclik (30), i cili tani ruan portën e Sevillës. Një fitore nuk është e mjaftueshme për Kosovën. Një tjetër pikë me Anglinë do të ishte e nevojshme për kualifikimin. Vështirë, por jo e pamundur.

“Këto dy ndeshje janë për ne si ngjitja në K2 ose Mount Everest”, thotë Challandes. “Dhe në katër ditë dhe pa oksigjen. Të gjithë do të duhet të luajnë lojën e jetës së tyre. Nëse funksionon, do të ishte një mrekulli. »

Vaclik paralajmëron shokët e skuadrës

Kosovarët i detyrohen shanset e tyre të paprekura kualifikuese për fitoren në Prishtinë kundër Çekisë, kur Mergim Vojvoda i shënoi portierit çekë, Vaclik me një mashtrim shumë interesant.

Vaclik paralajmëron gjithashtu: «Fuqia më e madhe e kosovarëve është kohezioni. Ata luajnë me shumë zemër, me shumë pasion. Ju mund të ndiheni se ata janë shumë krenarë për vendin e tyre. »

Ai gjithashtu vlerëson klasën individuale të kundërshtarit: “Hadergjonaj, Kololli dhe Voca që njoh nga Superliga, lojtarët e tjerë kanë shumë potencial. Nuk do të jetë e lehtë për ne”.

Liga e Kombeve një bonus special

Nëse kosovarët dështojnë në kualifikimet e rregullta, Liga e Kombeve mbetet si një mundësi tjetër për biletën e Kampionatit Evropian. Në gjysmëfinalen e Marsit, ata do të përballen me Maqedoninë Veriore. Nëse kalojnë këtë pengesë, luajn kundër Gjeorgjisë ose Bjellorusisë.

Çfarë do të thotë kjo, tregoi para ndeshjes kundër Malit të Zi. Challandes: «13’000 bileta u zhdukën në njëmbëdhjetë minuta. Kishte mbi 100,000 kërkesa. »

Kosova – një vend në gjendje të jashtëzakonshme futbolli.