Mediat në Itali raportojnë se Alexis Sanchez është pajtuar që t’i bashkohet Interit.
Interi është duke u përforcuar për sezonin e ri dhe pas blerjes së Lukakut tani është në prag të arritjes së marrëveshjes me Manchester Unitedin për yllin kilian.
Eksperti i transferimeve, Gianluca Di Marzio raporton se agjenti i Sanchezit ka filluar negociatat me Manchesterin Unitedin për një largim nga Old Trafford.
30 vjeçari dëshiron t’i bashkohet Interit pasi e pëlqen trajnerin italian, Antonio Conten.
Ai do të huazohet për një vit më të drejt blerje në fund të sezonit.
Ndryshe, Interi ishte i interesuar edhe për Edin Dzekon, por ky i fundit nënshkroi kontratë të re me Romën dhe tani klubi kërkon me çdo kusht që të arrihet sa më shpejt marrëveshja me Sanchezin.