Fenerbahce e bleu vetëm para pak muajve Vedat Muriqin nga Rizespor për shumën prej rreth 5 milionë euro, por gjigantët turk do ta kenë problem që ta mbajnë në skuadër sulmuesin e Kosovës, pasi për të kanë filluar të interesohen shumë klube të mëdha evropiane

50 milionë euro, kaq duhet të paguajë një klub, i cili dëshiron ta ketë në skuadër Vedat Muriqin, kështu shkruajnë mediat në Turqi, shkruan Reporteri.net

25 vjeçari nga Prizreni shkëlqeu në ndeshjet e Kosovës, derisa tani për të po interesohen klube si Tottenham dhe Atletico Madrid.

Por, Fenerbahce që e ka në pronësi kartonin e Muriqit ka bërë të ditur se nuk do të pranojë ta shesë kosovarin për një shumë modeste, ashtu siç e ka blerë.

Në Turqi raportohet se Fenerbahce tashmë ia ka caktuar çmimin prej 50 milionë euro Muriqit.

Kujtojmë që Muriqi shënoi dy gola në dy ndeshjet e fundit të Kosovës që i zhvilloi në kuadër të kualifikueseve për Euro 2020. /Reporteri.net/