Challandes kritikon mediat spanjolle, thotë se lojtarët janë të motivuar për ndeshjen kundër Spanjës

Trajneri i Kosovës, Bernard Challandes, ka dal në konferencë për media para ndeshjes së ‘Dardanëve’ me Spanjën.


Ai ka folur edhe për qasjen e mediave të Spanjës, ku në disa raste kanë hezituar të përmendin emrin e Kosovës, derisa Federata e Futbollit të Spanjës kishte shkuar aq larg duke shkruar se do të përballen me “Federatën e Kosovës”, kjo për shkak të mos njohjes së pavarësisë.

Qasja e mediave kundër Kosovës, a ka qenë pjesë e motivimit për lojtarët? “S’mund të jemi të kënaqur me trajtimin nga mediat spanjolle, disa media, ndoshta kjo na jep më shumë motivim. Por mendoj se motivimi më i madh i lojtarëve duhet të jetë që do të luajmë kundër një ekipi të madh, siç është Spanja. Ata duhet të fokusohen këtu dhe të gjejnë aty motivimin”, u shpreh Challandes.