×
  • Sport
  • Sport

    Chelsea turpërohet në shtëpi

    Reporteri
    03 Prill 2021 | 15:41

    Chelsea është mundur 2-5 nga West Bromwich Albion në “Stamford Bridge”.


    Të besuarit e Thomas Tuchel nuk arritën të evitojnë humbjen e parë pas 16 ndeshjeve me radhë.

    Ndeshja nisi mirë për nikoqirët.

    Christian Pulisic ishte ai që i kaloi vendasit në epërsi, në min e 27’ shënoi për 1-0.

    Megjithatë, kartoni i kuq i Thiago Silvas ndryshoi gjithçka që bëri që WBA të përmbysë rezultatin.

    Në minutën e 29’, Silva mori të dytin të verdhë për t’u përjashtuar nga loja.

    Epërsinë numerike në fushë e shfrytëzoi WBA që me Matheus Pereira arriti të shënojë dy gola në fund të pjesës së parë 45 +2’ dhe 45 +4’, raporton Gazeta Express.

    Thomas Tuchel me të filluar pjesa e dytë futi në lojë Mason Mountin dhe Andreas Christensenin, i largoi Ziyechin dhe Pulisicin.

    Kjo nuk ndryshoi shumë, pasi mysafirët shënuan edhe dy gola të shpejtë.

    Callum Robinson shënoi për 1-3 në minutën e 63’ dhe Mbaye Diagne për 1-4.

    Vendasit reaguan për 2-4 me golin e Pulisic, por në minutën e 90’ shënoi Callum Robinson për rezultatin 2-5.

    Chelsea tani rrezikon të humbasë pozitën e katërt, që dërgon në Ligën e Kampionëve.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!