Trajneri i Inter, Antonio Conte, ka komentuar së fundmi objektivin kryesorë të skuadrës së tij, Romelu Lukaku.

Conte ka kërkuar nga drejtori sportiv i skuadrës që të bëjë të pamundurën për të kompletuar transferimin e belgut, pasi skuadra ka vetëm Lautaro Martinez për fazën ofensive.

Inter deri në këtë pikë kanë ofruar 60 milionë euro për shërbimet e Lukaku, por United ka refuzuar gjithçka, megjithëse negociatat nuk janë ndërprerë.

“Nuk është e drejtë që të flasim për lojtarët e Manchester United. Ne duhet të tregojmë respekt për skuadrën dhe për lojtarët e tyre” ka thënë Conte.

“Kam thënë dje se Lukaku është lojtar që më pëlqen shumë. Më pëlqen, sepse e shoh si lojtarë që mund ta përmirësojë Interin shumë” ka thënë tutje trajneri italian.

Skuadra e Inter është duke konsideruar edhe Edin Dzeko si një alternativë nëse dështon transferimi i Lukaku.