Janë të rralla rastet kur një futbollist që luan në Kosovë ftohet nga Kombëtarja, qoftë ajo e jona apo e futbollistëve të huaj.

Por, një rast i tillë ka ndodhur sot kur mbrojtësi i Drenicës, Prince Balde ka marrë ftesë nga Kombëtarja e Liberisë, shkruan Reporteri.net

Lajmin e ka bërë të ditur faqja zyrtare e klubit të Drenicës të cilët kanë konfirmuar se futbollisti i tyre është ftuar nga Kombëtarja e tij.

Liberia ndeshjen e radhës do ta luaj kundër Egjiptit të Mohamed Salah me 7 nëntor në një ndeshje miqësore.

Ndryshe, kjo Kombëtare dikur ka dhuruar edhe futbollist që kanë fituar Topin e Artë, bëhet fjalë për legjendën milaneze, George Weah, tash president i shtetit./Reporteri.net/