Në Kosovë dihet se kur fillojnë projektet, por asnjëherë se kur mund të përfundojnë.
Rasti më i mirë është i palestrës sportive në Istog, që ka filluar të ndërtohet që nga viti i 2004 dhe kur kanë kaluar tani 16 vite më në fund ka arritur parketi, raporton Reporteri.net
Ditë më parë, Drin Sadikaj, drejtori i sportit në Komunën e Istogut njoftoi se parketi për këtë palestër ka arritur si dhe rregullimi i tyre do të fillojë shumë shpejtë.
Ndërkaq, sot drejtori për Urbanizim në Komunën e Istogut, Besart Dreshaj, në llogarinë e tij në “Facebook” ka publikuar disa fotografi, ku tashmë shihet duke u shtruar parketi. /Reporteri.net/