×
  • Sport
  • Sport

    Garë e nxehtë mes Napolit dhe Lazios për Mustafin

    Reporteri
    21 Shtator 2020 | 11:32

    Napoli dhe Lazio janë futur në një garë të nxehtë për mbrojtësin shqiptar të Arsenalit, Shkodran Mustafi, sipas mediave britanike.


    Arsenali është i hapur për t’i dëgjuar ofertat për ish-përfaqësuesin e Gjermanisë, i cili ka marrëveshje me klubin vetëm deri në verën e vitit të ardhshëm, transmeton Gazeta Express.

    Lazio – i cili javën e kaluar e bleu sulmuesin e Kombëtares së Kosovës Vedat Muriqi nga Fenerbahce – e ka synim kryesor Mustafin për qendrën e mbrojtjes.

    Arsenali i kërkon 15 milionë euro për shërbimet e mbrojtësit me prejardhje shqiptare.

    Por çmimi i tij mund të bjerë deri në 12 milionë euro, sipas tabloidit britanik The Sun.

    Lazio, megjithatë, do të përballet me konkurrencë të fortë nga Napoli, i cili synon ta gjejë një zëvendësues për Kalidou Koulibaly – i cili pritet t’i bashkohet Manchester City këtë verë.

    Në Napoli, Mustafi do t’i bashkohej Amir Rrahmanit, qendërmbrojtësit dhe kapitenit të Kombëtares së Kosovës.

    Problemi i vetëm në të cilin mund të hasin klubet italiane në afrimin e Mustafit është paga e tij e lartë.

    Besohet se fituesi i Kupës së Botës i merr rreth 5 milionë euro në vit në Londrën veriore.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!