Gazeta e përditshme spanjolle ‘MARCA’ ka bërë një rezyme sa i përket ndeshjes së mbrëmshme Kosovë – Spanjë.
Kombëtarja spanjolle udhëtoi me qëllimin e vetëm për fitore në ‘Fadil Vokrri’, shkruan Reporteri.net
Edhe pse e fitoi këtë ndeshje me rezultatin final në 0:2, spanjollët hasën në shumë vështirësi.
E përditshmja spanjolle Marca, në një raport për ndeshjen, shkroi për vështirësitë në të cilat hasi skuadra e Luis Enriques për t’i marrë tri pikët e shumëdëshiruara në Fadil Vokrri.
“Spanja vuajti për të fituar ndaj Kosovës” – ishte titulli i raportit të Marcas për ndeshjen në Prishtinë.
“Ishte e qartë pas rifillimit të ndeshjes (pas pushimit mes pjesëve) se duhej ta rrisnim epërsinë sa më shpejt që ishte e mundur, sepse në çdo çast Kosova mund të ta fusë frikën në palcë. Dhe kështu bëri”, shkroi Marca, duke i shpjeguar mundësitë e shënimit për Rashicën dhe Muriqin, të cilët dështuan ta mposhtnin portierin Simon ballë për ballë.