Mesfushori i Bayer Leverkusenit, Granit Xhaka, ka zgjedhur Prishtinën si vendin e parë të preferuar për të kaluar pushimet.

Xhaka iu përgjigj disa pyetjeve të faqes zyrtare të Bundesligës, ku në mesin e pyetjeve ishte edhe vendet e preferuara ku ka kaluar pushimet futbollisti shqiptar.

Ai ka zgjedhur Prishtinën të parën, pastaj ka përmendur Turqinë dhe Meksikon.

31-vjeçari po kalon formë të jashtëzakonshme me Leverkusenin. Është një fitore larg triumfit në Bundesliga, është kualifikuar në finalen e Kupës së Gjermanisë, ndërsa në Ligën e Evropës fituan ndeshjen e parë çerekfinale 2:0 ndaj West Hamit.