Lazio ka mposhtur Atalantën në finalen e Kupës së Italisë me rezultat 2-0.
Thomas Strakosha ishte protagonist nga minuta e parë duke arritur ta ruajë portën e paprekur për plot 90 minuta, shkruan Reporteri.net
Ndeshja ishte e paparashikueshme deri në momentet e fundit të ndeshjes kur serbi Sergej Milinkovic-Savic shënoi në minutën e 82-të për t’i kaluar “Shqiponjat” në epërsi.
Joaquin Correa u përkujdes që në minutën e fundit ta përfundoj dilemen e fituesit.
Valon Berisha nuk ishte i pranishëm në këtë ndeshje për shkak të lëndimit që e kishte pësuar kohë më parë.
Ai është operuar ndërsa pritet të rikthehet për ndeshjet që Kosova i zhvillon në shtator.
Kujtojmë që ky është titulli i parë për Berishën dhe Strakoshën me skuadrën e Lazios./Reporteri.net/