I mungojnë futbollistët më të mirë, trajneri fton dy djemtë e tij për ndeshjen United – Perth Glory

Manchester United ka filluar përgatitjet parasezonale para një jave ndërsa është në vigjilje të ndeshjes së parë miqësore.


Skuadra e Ole Gunnar Solskjaer do të luajë sot nga ora 13:00 kundër Perth Glory në ‘Optus Stadium’, shkruan Reporteri.net

Ajo çka është e veçanta e kësaj sfide është se skuadra modeste e Perth Gloryt ka thirrur tre djem të shkollës së mesme për arsye se skuadra nuk ka mundur të mbledhë futbollistë mjaftueshëm.

Trajneri i kësaj skuadreje Tony Popovic ka ftuar dy djemtë e tij, Kristianin, 17 vjeçar dhe Gabrielin 15. Joshua Rawlins, gjitashtu 15 vjeçar, pritet të jetë në bankën rezervë.

“Unë kam dy djem të cilët mund të përfshihen – ne ende duhet të shohim për këtë”, ka thënë Popovic.

Ndryshe, Ole Gunnar Solskjaer po përballet me vështirësi për t’i mbajtur yjet si Paul Pogba e Romelu Lukakun në klub.

Pogba është top-prioritet i Zinedine Zidane tek Real Madridi, ndërsa Lukaku është objektiv i Antonio Contes tek Interi./Reporteri.net/