×
  • Sport
  • Sport

    James ia siguron LA Lakers finalen e parë në NBA në 10 vjetët e fundit

    Reporteri
    27 Shtator 2020 | 12:54

    Los Angeles Lakers është skuadra e parë finaliste në NBA, pasi ia doli të fitojë edhe ndeshjen e pestë përballë Denver Nuggets, duke u kualifikuar me rezultatin e përgjithshëm 4-1.


    Në “AdventHealth Arena” të Orlandos, skuadra kaliforniane zhvilloi një sfidë mjaft të mirë, e udhëhequr nga një LeBron James në formë të jashtëzakonshme, ndërsa Denver u përpoq të rihapë llogaritë por më kot.

    Takimi nisi më mirë për Los Angeles, që fitoi fraksionin e parë me tre pikë diferencë, ndërsa në të dytin e çoi në 10 pikë shkëputjen nga Denver.

    Këta të fundit reaguan mirë në fraksionin e tretë dhe rikuperuan 7 pikë, por Lakers u shfaqën dominues edhe në pjesën e fundit, duke fituar me meritë gjithë takimin me shifrat 117-107.

    LeBron James ishte protagonist i padiskutueshëm i i Lakers dhe më i miri i ndeshjes, pasi shënoi 38 pikë, rikuperoi 16 topa dhe dha 10 asiste, ndërsa paraqitje të mirë bëri edhe Anthony Davies me 25 pikë, 5 rikuperime dhe 3 asiste.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!