Nuk ndalen assesi zërat për karrierën e Anthony Joshuas pasi anglezi humbi titujt botërorë kundër meksikanit Andy Ruiz para disa muajve.

Joshua ka qenë subjekt i kritikave, talljeve e çka tjetër prej humbjes turpëruese nga një boksier që për hir të së vërtetës, vetëm në një boksier nuk ngjanë, shkruan Reporteri.net

Debatit rreth karrierës së Joshuas, së fundmi iu është bashkuar edhe boksieri Tony Bellew i cili e ka komentuar situatën momentale të Joshuas.

Ai beson se faktori frikë do ta shtyjë Anthony Joshuan drejt fitores kundër Andy Ruiz pasi që një humbje eventuale ndaj tij do të thoshte lamtumirë karriera.

Joshua humbi titujt e WBA, IBF dhe WBO kundër Ruizit në Madison Square Garden të New Yourkut më 1 qershor.

Ndeshja e rimeçit pritet të ndodh këtë fundvit në nëntor ose dhjetor, me vendin që nuk është caktuar ende, pasi Ruiz nuk dëshiron të ndeshet në Angli.

“Unë nuk mendoj se Joshua e nënvlerësoi Ruizin në atë përballje në çfarëdo forme të ketë qenë. E di për faktin se ai është stërvitur fort, ai kishte një kamp të mirë.

“Çka secili e humbi është se Joshua hyri në atë ndeshje pa frikë. Ai mendoi se “Andy Ruiz është një luftëtar i mirë, por nuk është një njeri që mund të më lëndojë mua”. Ai nuk e gjykoi mirë këtë.

“Rimeçi do të jetë shumë ndryshe. Për herë të parë, ai do të hyjë në një luftë duke e ditur se karriera e tij është në rrezik, dhe nëse humbet prapë, karriera e tij do të marrë fund”, ka thënë Tony Bellew.

Ndryshe, Bellew është inkuadruar edhe në debatin Fury – Wilder, duke qenë i mendimit se anglezi do ta mposhtë amerikanin./Reporteri.net/