Në një intervistë për “ZDF”, Jurgen Klopp ka folur në lidhje me shpenzimet në kohën e sotme dhe sa të rëndësishme janë ato.
Klop arriti të fitojë Ligën e Kampionëve me Liverpoolin si dhe arriti të renditej në vend të dytë në Premier Ligë, ku rivalizoi për titullin me Manchester Cityn deri në javën e fundit
Mirëpo tekniku gjerman thotë se nëse duan të vazhdojnë të fitojnë, duhet të bëjnë shpenzime në merkato.
Gjithashtu ai flet edhe për shpenzimet në kohët e sotme: “Kur isha në Gjermani, Bayerni shpenzonte rreth 100 milionë euro në merkato dhe nuk kishte konkurrent. Ndërsa sot aq lek mjaftojnë për të transferuar vetëm një mbrojtës”, u shpreh tekniku gjerman.
Kritika që ai bëri për transferimin e Pogba për një çmim shumë të madh tani duket shumë larg dhe Klopp për këtë shprehet: “Merkato ka ndryshuar më shumë nga sa prisja, por, siç kam thënë atëherë për Pogba, nëse një ditë futbolli do të kthehet vetëm në një çështje parash, do të largohesha”.