Ballkani vazhdon dominimin absolut në Superligën e Kosovës, derisa Mirlind Daku nuk po i ndahet golave
Ballkani sot mposhti Dritën me rezultat 2-0 në kuadër të javës së shtatë në Superligën e Kosovës, shkruan Reporteri.net
Mirlind Daku ishte përsëri heroi i skuadrës suharekase duke shënuar dy gola, nga një në secilën pjesë.
Pas kësaj fitore Ballkani tani është në vendin e parë me 19 pikë, derisa Daku ka arritur në shifrën e 14 gola pas vetëm 7 xhirove të zhvilluara deri tani.
Në ndeshjet tjera që u luajtën sot Gjilani barazoi pa gola me Trepçën ’89, derisa Feronikeli u mposhtë në shtëpi nga Prishtina me rezultat 2-1.
Siç po rrjedhin gjërat deri tani Ballkani është favoriti kryesor për të fituar kampionatin, por gjithçka është e hapur deri në fund pasi ka edhe shumë ndeshje për t’u zhvilluar. /Reporteri.net/