×
  • Sport
  • Sport

    Murray e quan Xhakën njërin nga atletët më të mëdhenj ndonjëherë, tregon se çfarë i tha Federerit për të

    Reporteri
    25 Tetor 2022 | 17:05

    Andy Murray ka zbuluar se i ka dërguar Roger Federerit një mesazh për Granit Xhakën pasi mbërriti në Zvicër për Basel ATP 500 të kësaj jave.

    Numri 49 i botës po luan në Swiss Indoors për herë të parë që nga viti 2005.

    Murray është rikthyer në Swiss Indoors Basel për herë të parë në 17 vjet, ndërsa përballet me Roman Safiullin në raundin e parë të martën.

    Por 35-vjeçari tani ka ndarë një mesazh që i dërgoi Federerit pasi mbërriti në Zvicër.
    “I dërgova mesazh Rogerit, kur zbrita në Bazel dhe i thashë: Sapo kam prekur qytetin e një prej atletëve më të mëdhenj në botë: Granit Xhaka”, tha Murray për Aargauer Zeitung.

    “E di që Granit Xhaka është nga këtu, unë jam një tifoz i madh i Arsenalit. Xhaka po luan vërtet, shumë mirë këtë sezon. Ai shënoi një tjetër gol të mrekullueshëm të dielën”, deklaroi Murray.

    Sa i përket Federerit, heroi i vendlindjes nuk do të jetë i pranishëm në Swiss Indoors të këtij viti pasi refuzoi një ftesë për një ceremoni speciale të daljes në pension.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!