Ballkani nga Suhareka është në një seri fantastike në ndeshjet si vendas, aty ku nuk ka humbur në 25 ndeshjet e fundit, ose më saktë tash e 551 ditë

Ballkani dje tregoi shpirtin luftarak duke përmbysur Prishtinën në minutat e fundit me dy gola të shënuar nga Mevlan Zeka, shkruan Reporteri.net

Pas kësaj ndeshje skuadra nga Suhareka në faqen e tyre zyrtare e ka përmendur burgun e famshëm Alcatraz, aty ku ka qenë pothuajse e pamundur për t’u arratisur.

Humbjen e fundit Ballkanit në shtëpi ia ka pësuar Ferizaj më 27 prill të vitit 2019 duke i mposhtur ‘Xhebrailat’ me rezultat 4-2.

Që nga ajo kohë Ballkani në ndeshjet si vendas ka qenë i pathyeshëm duke fituar 21 ndeshje dhe duke barazuar në 4 tjera.

‘Xhebrailat’ janë të papërmbajtshëm kur luajnë në shtëpi dhe çdo skuadër që ka luajtur Suharekë vitet e fundit ka dalur kokëulur nga fusha dhe në pamundësinë për të fituar pikët e plota.

Ndryshe, Ballkani është lider i Superligës së Kosovës pas nëntë xhirove ku grumbullon 22 pikë, gjashtë më pak se Drita, e cila ka dy ndeshje më pak të zhvilluara. /Reporteri.net/