Prania ose mungesa e Lionel Messit do të shkojë shumë larg për të përcaktuar se çfarë mund të bëjë Barcelona në sezonin 2021/22. Por, ditë dhe javë vazhdojnë të kalojnë pa i dërguar klubi një ofertë rinovimi kapitenit të tyre.

Bisedat janë bërë, por ylli argjentinas ende nuk ka marrë asnjë ofertë që ai mund të shikojë dhe të vendosë. E gjithë kjo në vetëm 21 ditë kohë para se Messi të bëhet një lojtar i lirë me kontratën e tij aktuale që skadon në fund të muajit.

Joan Laporta është i qartë në lidhje me ofertën që ai dëshiron t’i bëjë Messit, dhe ai ka qenë për javë të tëra i vendosur.

Ai dëshiron të ofrojë një rinovim dy-vjeçar me një pagë bruto 50 milionë euro në vit, e cila është rreth gjysma e pagës së tij aktuale. Pastaj, do të kishte një ofertë 10-vjeçare që Messi të merrte një rol ambasadori për klubin, i cili do ta shihte atë të fitonte dhjetë milionë euro.

Presidenti i ka shpjeguar disa prej këtyre kushteve babait dhe agjentit të Messit, Jorge, por asgjë nuk është vendosur në letër.

Me tre javë të mbetura, kontrata e Messit nuk është më afër nënshkrimit.

Projekti sportiv

Përveç anës ekonomike të ofertës, Messi dëshiron që Barcelona të ndërtojë një skuadër që mund të konkurrojë dhe të fitojë La Ligan dhe Ligën e Kampionëve. Deri tani, kjo nuk ka ndodhur.

Katalunasit kanë nënshkruar me Sergio Agueron, Eric Garcian dhe Emerson Royal, ndërsa Memphis Depay pritet të jetë transferimi i radhës. Sidoqoftë duhet të thuhet se Georginio Ëijnaldum ishte gjithashtu pjesë e planeve, por dështoi.