Klubi i Pejës ka konfirmuar transferimin e basketbollistit, Divine Myles. Basketbollisti Myles është lojtari i fundit që Peja transferon gjatë këtij afati kalimtar.

Edhe zyrtarisht, Divine Myles është transferuar tek skuadra e Pejës.

Lajmin e ka bërë të ditur vet klubi pejan në faqen e tyre zyrtare në “Facebook”.

Basketbollisti amerikan e njeh mjaft mirë ligën kosovare pasi në të kaluarën ka luajtur për Sigal Prishtinën dhe Proton Cable Prizrenin.

28 vjeçari i gjatë 180 centimetra është paraqitur edhe për Përfaqësuesen e Kosovës.

Pejanët synojnë ta përsërisin suksesin e vitit të kaluar në kampionat dhe Myles pritet t’i ndihmojë ata shumë në këtë drejtim.

Pasi dështoi në Kupën e Kosovës, ekipi nga Rrafshi i Dukagjinit krejt fokusin tash e ka tek kampionati vendor, por edhe tek Liga Ballkanike, të cilën synon ta fitojë po ashtu./Gazeta Express.