Jadon Sancho shënoi mbrëmë golin e parë në karrierën e tij për Kombëtaren angleze dhe qëlloi ta shënonte kundër Kosovës.

Anglia mposhti Kosovën me rezultat 5:3 në një ndeshje të çmendur e cila dhuroi emocione deri në fund, shkruan Reporteri.net

Jadon Sancho shënoi një dopietë në minutat e fundit të pjesës së parë dhe menjëherë pas ndeshjes ka reaguar i ngazëllyer nga kjo ndeshje.

“Një ndjenjë që nuk mund ta përshkruaj! Të shënoj golin e parë për vendin tim do të jetë një ndjenjë që nuk do ta harroj kurrë! #PërTyNanë”, ka shkruar Sancho.

Ai ishte ndër më të mirët e kësaj ndeshjeje, por u rendit i dyti pas Valon Berishës i cili u shpall futbollisti i ndeshjes.

Me këtë humbje, Kosova tani kalon në vendin e tretë të grupit A me 8 pikë të tubuara, 1 më pak sesa Republika Çeke e cila ka kaluar në vendin e dytë pas fitores ndaj Malit të Zi.

Kosova pret në ‘Fadil Vokrri’ Malin e Zi përpara se të udhëtojë për në Çeki në një ndeshje që vendosë gjithçka./Reporteri.net/