Serie A do ta kujtojë dhe nderojë në shumë mënyra Maradonën në ndeshjet e fundjavës

Diego Maradona u nda nga jeta në moshën 60 vjeçare ditën e mërkurë pas një sulmi në zemër


Maradona ishte një legjendë e futbollit, derisa vitet më të mira i kaloi te Napoli, shkruan Reporteri.net

Serie A ka vendosur që këtë fundjavë ta nderoi në mënyrë ta ndryshme legjendën e futbollit.

Nga video e lëvizjeve të tij ikonike deri te paraqitja në ekran në minutën e 10′ në secilën ndeshje.

Më poshtë keni listën me mënyrën se si do të nderohet Maradona nga Serie A gjatë ndeshjeve të fundjavës:

– Videoja e lëvizjeve të tij ikonike para ndeshjes do të shfaqet në ekranet e mëdha para takimeve.

– Do të mbahet një minutë heshtje para çdo takimi me imazhin e tij në ekran.

– “Ciao Diego” do të zëvendësojë logon e kampionatit gjatë minutës së heshtjes.

– Lojtarët do të mbajnë një shirit të zi në krahë.

– Fytyra e Maradonës do të shfaqet në ekran në minutën e 10-të të çdo ndeshjeje. /Reporteri.net/