Lajm fantastik për tifozët e futbollit Italian. Sikurse njoftojnë mediet përtej Adriatikut, që u referohen burimeve pranë qeverisë italiane, në fillim të muajit në zonat e verdha (ku ka rënia të ndjeshme të infektimeve me Koronavirus) tifozët e futbollit mund të kthehen në stadium.

Pra, 5 javët e fundit të Serisë A do të luhen me dyer të hapura. Nga 1 maji, do të lejohet prania e kufizuar e njerëzve në eventet sportive, maksimumi 1000 spektatorë në impiantet e hapura, ndërsa në ato të mbyllura deri 500.

Gjithsesi, ky vendim ende nuk është zyrtarizuar nga qeveria italiane.