Shkëlqeu në ndeshjet me Kosovën, gjiganti spanjoll vëzhgon nga afër Muriqin

Atletico Madrid është e interesuar për shërbimet e Vedat Muriqit


Sulmuesi i Fenerbahces shkëlqeu me fanellën e Kosovës ku shënoi dy gola në dy ndeshjet e luajtura, ndaj Çekisë dhe Anglisë, shkruan Reporteri.net

Prizrenasi e ka nisur mirë aventurën e tij edhe te Fenerbahce, derisa tashmë skuadrat e mëdha evropiane kanë filluar të interesohen për të.

Mediat në Turqi bëjnë të ditur se Atletico Madrid është duke u interesuar për shërbimet e Muriqit dhe se skautët e klubit spanjoll do të jenë prezent për ta shikuar nga afër atë në ndeshjen Alanyaspor-Fenerbahce që luhet këtë vikend.

Ndryshe, përveç Atleticos për 25 vjeçarin raportohet se është i interesuar edhe Tottenhami. /Reporteri.net/