Liverpooli e ka mposhtur në udhëtim Chelsean 2-1 në kuadër të javës së gjashtë në Premier Ligë

Skuadra e udhëhequr nga Jurgen Klopp vazhdon me bilanc 100% në Premier Ligë ku nga 6 ndeshje ka po aq fitore, shkruan Reporteri.net

“Të Kuqtë” mposhtën Chelsean 2-1 në Stamford Bridge falë dy golave që u realizuan nga ndërprerjet.

Thunderbolt:
/fun-da-bolt/ noun

1. To hit a football so hard that the goalkeeper doesn’t see the ball to dive in time
e.g. Trent Alexander-Arnold vs Chelsea pic.twitter.com/KFIYuOsB9j

— Premier League Panel (@PremLeaguePanel) September 22, 2019

Fillimisht Alexander Arnold kaloi në epërsi Liverpoolin në minutën e 14-të me një gol fantastik pas një skeme të përgatitur nga një gjuajtje e lirë.

Roberto Firmino në minutën e 30-të dyfishoi epërsinë e mysafirëve ku realizoi me kokë.

Golin e vetëm për Chelsean në këtë takim e shënoi N’Golo Kante në minutën e 73-të. Francezi realizoi një gol të bukur ku iu shmang mirë mbrojtjes së Liverpoolit.

Pas kësaj fitore, Liverpooli vazhdon të jetë në vendin e parë, tani me 18 pikë, ndërsa Chelsea zë pozitën e 11-të me 8 pikë. /Reporteri.net/