Trepça’89 shkaktoi njëren prej befasive më të mëdha këtë edicion në Superligën e Kosovës në futboll.
Në ndeshjen e vlefshme për javën e tetë, 89-shi ka disavantazhi prej 0:3, arriti ta mposhtë Ballkanin me rezultat dramatik, 4:3.
Trajneri i Arbërisë, Arbnor Morina ka dhënë vetëm fjalë të mira për skuadrën e trajnerit Shpëtim Idrizit, derisa tregon se përse i ndodhi ajo Ballkanit.
“Mund të themi se është një vetëkënaqësi e tepruar dhe një nënçmim i tepruar te Ballkani, skuadra mysafire i largoi futbollistët më të mirë në pjesën e dytë për t’i ruajtur për derbin me FC Prishtinën”, deklaroi Morina në “RTK”.
“Mund të them se Trepça’89 gjithmonë luan futboll të bukur si dhe e ka shkollën e futbollit”, tregoi ai.
“Përveç Bismarkut, te 89-shi më pëlqeu edhe reprezentuesi i Palestinës, si dhe Muharrem Jashari, dy vëllazërit Muja, dhe disa të tjerët. Kjo tregon se skuadra ka pasur durim ta presë skuadrën dhe trajnerin Shpëtim Idrizi”, shtoi ish-trajneri i Gjilanit.