Trajneri i Brightonit, Graham Potter nuk ka pasur asgjë tjetër veç lavdatave për transferimin e ri të klubit, Andi Zeqirin.
Kosovari u transferua nga Super Liga Zvicërane, saktësisht nga Lausanne, për katër milionë euro me një kontratë katër-vjeçare.
21-vjeçari ka 11 gola në 11 paraqitje për Kombëtaren U21 të Zvicrës, teksa startoi për skuadrën nga Premier League në ndeshjen e sotme kundër Blackpoolit.
Dhe, trajneri Potter, potencoi para ndeshjes se ai ka qenë shembullor që prej transferimit disa muaj më parë.
”Personaliteti i tij është fantastik, lojtarët e pëlqejnë shumë, ne e pëlqejmë shumë,” u shpreh fillimisht ai.
”Ai sjellë entuziazëm në stërvitje, sjellë kënaqësi kur vjen në punë sepse dëshiron të përmirësohet, dëshiron ta ndihmojë skuadrën, dëshiron të luftojë për skuadrën.
”Është djalosh i ri me ambicie por është lojtar skuadre.
”Nuk është e lehtë sepse ka pasur probleme me gjuhën, por ka punuar shumë në atë aspekt.
”Pastaj natyrisht ti duhet të adaptohesh me Premier Leaguen, që është dallim i madh me atë që jeni mësuar, por ai e ka marrë me entuziazëm dhe personalitet, kështu që jemi shumë të lumtur.”