Peja mbrëmë e fitoi Kupën e Kosovës në basketboll për herë të gjashtë në histori duke e mposhtur lehtësisht në finale Yllin me rezultat 79-64

Në palestrën Mizahir Isma të Rahovecit u mbajt Final 8 gjatë kësaj jave, ku në fund fitues u shpall Peja, shkruan Reporteri.net

Peja në finale mposhti Yllin me rezultat 79-64, ndërsa shumë tifozë ishin të pranishëm në Mizahir Isma për ta përcjellu këtë përballje.

Festa e pejanëve ishte shumë e madhe, dhe njëri nga tifozët e kësaj skuadrë kërceu nga tribunat për të pasur mundësi që ta përqafonte Kupën.

Por, ai gjatë hedhjes për në parket lëndoi keq këmbën e djathtë dhe dorën e majtë, ku tani është shtruar për shërim në spital.

Është vetë klubi i Pejës që ka postuar një foto të tifozit dhe i ka uruar atij shërim të shpejt. /Reporteri.net/