Juventusi shënoi fitore prej 2-0, por që nga ajo ndeshje rezultatet dhe renditja tabelare nuk është se është edhe aq me rëndësi.
Kjo për faktin se pandemia ‘Covid 19’ që ka kapluar dukshëm Italinë, po e thotë fjalën kryesore në secilën sferë.
Padyshim se është prekur edhe bota e sportit, derisa një nga ata futbollistë është edhe lojtari i Juves, Daniele Rugani.
Italiani nuk u paraqit për skuadrën e tij në derbin ndaj Interit, kurse pas ndeshjes u konfirmua se ai veçse ishte infektuar nga virusi.
Së fundi, për të marrë masa mbrojtëse, edhe gjyqtarët e asaj sfide, Marco Guida dhe asistentët janë vet-izoluar, për t’u mbrojtur nga çdo rast potencial.
Kujtojmë futbolli në Itali është pezulluar të paktën deri me 3 Prill, por që ky pezullim pritet të shtyhet edhe për një muaj tjetër.