Reprezentuesi i Kosovës, Anel Rashkaj ka ndarë rrugët me skuadrën suedeze AFC Eskilstruna pas vetëm një viti.
29 vjeçari e ka konfirmuar vetë informacionin në llogarinë e tij personale, derisa ka falenderuar dhe i ka uruar fat atyre në vazhdim.
“Falënderoj AFC Eskilstuna për bashkëpunimin dhe ju uroj suksese në të ardhmen”, ka shkruar Rashkaj.
Mesfushori nga Prizreni është prej kohësh pjesë e Përfaqësueses së Kosovës, derisa një periudhë ishte edhe kapiten i ekipit, raporton Gazetasheshi.com.
Ai është paraqitur edhe në disa ndeshje kualifikuese të cilat Kosova i zhvilloi në kuadër të “EURO 2020”.