Novak Djokoviç fitoi titullin e tij të pestë të Wimbledonit, pasi mposhti zviceranin Roger Federer të dielën e kaluar.

Serbi e bëri këtë me mjaft mund, madje i shpëtoi dy herë meçpointeve, ndërsa u rikthye nga ‘të vdekurit’ për ta fituar këtë përballje dramatike që zgjati për 5 orë, shkruan Reporteri.net

Menjëherë pasi fitoi përballjen, ai u përkul në fushën e Wimbledonit, kapi disa fije bari dhe i hëngri, ashtu siç bën çdoherë pasi fiton diçka të madhe.

Djokoviç ka shpjeguar edhe arsyen prapa këtij zakoni të rrallë. Ai ka thënë se e bën këtë kur fiton diçka të madhe.

“Si fëmijë, unë kam ëndërruar ta fitoj Wimbledonin, kështu që, si çdo fëmijë, ju ëndërroni të bëni diçka të çmendur kur ju në fakt arrini ta bëni këtë – nëse e arrini – dhe kjo është arsyeja”, ka thënë Djokoviç.

Me këtë fitore, Djokoviç është vetëm 3 tituj të Wimbledonit larg zviceranit Roger Federer i cili ka 8 të fituar./Reporteri.net/