Gerhard Progni dhe Tomislav Busiç janë dy futbollistët e momentit te SC Gjilani
Në nëntë javët e para kampionale ish-dyshja e Teutës së Durrësit kanë qenë më të dalluar te gjilanasit duke kontribuar gjithsej me 9 gola së bashku dhe shumë shërbime të tjera për bashkëlojtarët.
Sikurse Progni, po ashtu edhe Busiç tashmë kanë kaluar të 30-tat, por vazhdojnë të mbeten në formë tejet të lartë, shkruan Gazetasheshi.com.
Arsye për këtë formë është përgatitja e tyre e lartë fizike.
Pas ardhjes te SC Gjilani për dy futbollistët po përkujdeset trajneri i njohur i fitnesit Kreshnik Korça.
Korça është njëri ndër trajnerët më profesional në vend, teksa me përkushtim të madh përkujdeset edhe për dyshen e Gjilanit që ata të jenë në formën e kërkuar.
Dy lojtarët janë tejet të kënaqur me shërbimet që i ofron trajneri gjilanas, teksa besohet se ky është ‘receti’ që po i mbanë ata aktualisht në formë.