Zbulohet 'receti' që po i mbanë në formë të lartë dyshen e frikshme të Gjilanit

Sport

Zbulohet ‘receti’ që po i mbanë në formë të lartë dyshen e frikshme të Gjilanit

Reporteri

16 Tetor 2019 | 17:55

Gerhard Progni dhe Tomislav Busiç janë dy futbollistët e momentit te SC Gjilani

Progni dhe Busiç ishin bashkëlojtarë te Teuta e Durrësit në edicionin e fundit, ndërkohë partneritetin e kanë vazhduar edhe te SC Gjilani, duke ‘firmosur’ këtë edicion për ‘kuqebardhët’.

Në nëntë javët e para kampionale ish-dyshja e Teutës së Durrësit kanë qenë më të dalluar te gjilanasit duke kontribuar gjithsej me 9 gola së bashku dhe shumë shërbime të tjera për bashkëlojtarët.

Lexo edhe:

Presidenti i klubit kosovar kërcënon gazetarin që raportoi për vonesat e pagave të futbollistëve

Xavi i bie pishman, do të qëndrojë edhe për një sezonë të Barcelona

PSG fiton thellë në udhëtim te Lorient

Sikurse Progni, po ashtu edhe Busiç tashmë kanë kaluar të 30-tat, por vazhdojnë të mbeten në formë tejet të lartë, shkruan Gazetasheshi.com.

Arsye për këtë formë është përgatitja e tyre e lartë fizike.

Pas ardhjes te SC Gjilani për dy futbollistët po përkujdeset trajneri i njohur i fitnesit Kreshnik Korça.

Korça është njëri ndër trajnerët më profesional në vend, teksa me përkushtim të madh përkujdeset edhe për dyshen e Gjilanit që ata të jenë në formën e kërkuar.

Dy lojtarët janë tejet të kënaqur me shërbimet që i ofron trajneri gjilanas, teksa besohet se ky është ‘receti’ që po i mbanë ata aktualisht në formë.