Ylli i Përfaqësueses së Kosovës, Edon Zhegrova ishte sot i ftuar në emisionin “FanZone” në ekranin e Supersport, ku foli për ditët në karantinë, eksperiencën te Baseli dhe pritshmëritë për të ardhmen e karrierës së tij.
Zhegrova thotë se dëshira e tij është që të qëndroj në Basel, por situata nuk është e mirë për shkak të krizës financiare.
Ai tregon se ka disa oferta të mira nga Franca, të cilat thotë se po i shqyrton me menaxherët dhe shpreson që të bëj zgjedhjen më të mirë.
Zhegrova thotë se Leo Mesin e ka pasur inspirim për mënyrën e lojës, kurse Nejmari është i preferuari i tij.
Ai ka thënë se është i ri dhe se një ditë do t’i realizohet ëndërra të luaj për Barcelonën.
“Unë jam i ri, 21-vjeç dhe nuk jam kurrë i kënaqur. Unë gjithmonë mundohem për më shumë dhe besoj se kam për të ecur hap pas hapi. Shumica e talenteve që kanë shpërthyer shumë në fillim, kanë rënë. Kam pasur mundësi të shkoj në ekipet më të mëdha në botë, por nuk e kam bërë. Shumë shpejt keni për të parë Edonin e vërtetë. Te Barcelona keni për të më parë ndonjë ditë”, ka thënë Zhegrova.