Real Madridi është mposhtur me rezultat 2-1 nga Manchester City në ndeshjen e parë të fazës së 1/16 në Ligën e Kampionëve

Zinedine Zidane pavarësisht kësaj humbje nuk është dorëzuar ani pse në ndeshjen tjetër do të jetë edhe pa Sergio Ramosin, i cili u ndëshkua me karton të kuq, shkruan Reporteri.net

Pas ndeshjes tekniku francez ka thënë se skuadra e tij ka luajtur mirë dhe se e dinë se çfarë duhet të bëjnë në ndeshjen e kthimit.

“Ramos është jashtë për ndeshjen e kthimit dhe ne nuk mund ta ndryshojmë këtë. Por, ne luajtëm mirë sonte dhe duhet të marrim gjërat pozitive. Ne e dimë se çfarë duhet të bëjmë,” ka thënë Zidane.

Ndryshe, ndeshja e kthimit do të luhet në Etihad më 17 mars. /Reporteri.net/