×
  • Extra
  • Stil

    ​Aftësitë teknologjike që duhet t’i përmendni në CV dhe letër motivuese

    Reporteri
    12 Maj 2021 | 10:35

    Dokumentet për aplikime të punës kërkojnë aftësi të ndryshme. Në shumë punë kërkohen aftësi fizike ose digjitale, këto shpesh emërtohen edhe si “aftësi teknike”.


    Ato mund të jenë të ndryshme varësisht nga punët dhe industritë e synuara. Të njohura gjithashtu edhe si aftësitë e forta, sot kërkohen nga punonjësit që të kenë njohuri rreth tyre edhe nëse bëjnë punë të tjera, që nuk lidhen drejtpërdrejt me teknologjinë.

    Pse janë të rëndësishme aftësitë teknike?
    Aftësitë teknike janë të rëndësishme sepse në kohët e sotme kërkohen në pothuajse të gjitha llojet e punëve dhe profesioneve, Kështu që nëse i keni edhe këto aftësi përveç atyre që kërkohen patjetër në pozitën për të cilën po aplikoni, do të jeni kandidati më i preferuar.

    Llojet e aftësive teknike të cilat mund t’i përfshini varen nga puna në të cilën po aplikoni. Gjithsesi janë një numër aftësish të cilat janë të përdorshme në industri të ndryshme, shkruan KP.

    Më ua sjellim disa të cilat mund t’i shihni të radhitura në postimet e punës.

    Programimi: Përveç inxhinierëve të softuerit, sot ka shumë punë që kërkojnë njohuri programimi. Nëse jeni duke kërkuar një punë si shkrimtar, për shembull, mund t’ju kërkohet të keni disa njohuri themelore të HTML.

    Aplikacione softuerike: Shumë industri përdorin softuer të zakonshëm ose të specializuar për ato. Këta janë softuerë të dizajnuar për të ndihmuar që puna të kryhet më shpejt dhe më mirë. Shumica e tyre përfshijnë programe për përpunime të tekstit ose softuerë për prezantime. Nëse këto programe kërkohen në përshkrimin e punës për të cilën jeni të interesuar, duhet t’i përfshini ato në CV.

    Aftësitë e industrive të veçanta: Meqenëse këto aftësi ndryshojnë nga industritë, është e rëndësishme të hulumtoni ato në industrinë në të cilën jeni dukë menduar të punoni. Këtë mund ta bëni duke i shikuar aplikimet e punës nga punëdhënësit e industrisë së njëjtë, pastaj të merrni shënime në lidhje më ato aftësi të cilat i kërkojnë. Më poshtë janë disa shembuj se çfarë aftësish mund të kërkohen në pozita të ndryshme.

    Shërbime të ushqimeve: point-of-sale (POS) software.

    Arkitekturë dhe inxhinieri: CAD software

    nga TaboolaRekomanduarMund t’ju interesojnë
    Hithra. Zgjidhja natyrale kundër rënies së flokëve!
    SKIN HAIR HEALTH
    SOLIDUM by SKIN NOVIS – Produkt organik për flokët
    SKIN NOVIS
    Pse duhet të zëvendësoni larësin tuaj me sapun organik?
    SKIN HAIR HEALTH
    Dërgesa dhe transport: Logistics management software

    Gazetari dhe shkrim: Content Management Systems

    Kontabilitet dhe financa: Bookkeeping software

    Aftësitë teknike në CV
    CV-ja juaj duhet të përfshijë një pjesë të aftësive, që nxjerr në pah aftësitë tuaja më të vlefshme teknike që lidhen me pozitën. CV-ja juaj duhet të përmbajë 10-30 aftësi, me një kombinim të aftësive të buta dhe të forta. Mundohuni të keni llogarinë e aftësive tuaja teknike për të paktën gjysmën e seksionit të aftësive!

    Ndërsa mund të keni disa aftësi të ndryshme, përqendrohuni në aftësitë teknike që punëdhënësi po kërkon e të cilat ju bëjnë një kandidat konkurrues!

    Aftësitë teknike në letrën motivuese
    Në letrën tuaj të motivimit mund të dëshironi të përmendni disa nga aftësitë tuaja më të vlefshme. Por mbani në mend se letra motivuese duhet të jetë e përqendruar, e shkurtër dhe të shmangë vetë-promovimin. Letra juaj e motivimit duhet t’i japë punëdhënësit një hyrje të fortë se kush jeni, por gjithashtu edhe për atë që dini për kompaninë, vlerat e saj dhe mënyrën se si mund të jeni një përshtatje e mirë për vizionin e kompanisë.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!