Ngrënia e thonjve për një kohë të gjatë është parë si shenjë e personave nevrastenikë dhe ankthiozë. Por një studim i ri ka treguar se zakoni i çuditshëm mund të jetë në fakt shenjë e njerëzve perfeksionistë.

Ekspertët, gjithashtu kanë treguar se kjo sjellje nuk është shenjë e ankthit.

Në testet e realizuara nga ekspertët, pjesëmarrësit ishin më të prirur për të ngrënë thonjtë në momentin që frustroheshin ose mërziteshin nga dikush – të dyja shenja tipike të njerëzve perfeksionsitë, ose njerëz që preferojnë ta kenë jetën tërësisht të organizuar.

“Ne besojmë se njerëzit me këtë lloj sjelljeje të përsëritur mund të jenë perfeksionistë, çka do të thotë se ata janë të paaftë për t’u rehatuar apo performuar në një ambient normal për njerëz të tjerë, – tha profesor Kieron O’Connor nga Universiteti i Montrealit. – Prandaj ata janë më të prirur drejt frustrimit, padurimit dhe pakënaqësisë kur nuk arrijnë qëllimet e tyre. Perfeksionistët, gjithashtu e përjetojnë nivel më të lartë mërzinë’, shtoi ai.