×
  • Extra
  • Tech&Auto

    Avioni elektrik më i madh në botë bën fluturimin e parë

    Reporteri
    30 Maj 2020 | 8:49

    Sektori i aviacionit konsiderohet nga përgjegjësit kryesorë për shtimin e gazrave të dëmshëm në atmosferë. Avionët elektrikë shihen si opsioni më ekologjik dhe më i madhi në botë ka testuar për herë të parë fluturimin në ajër.


    Kompanitë të ndryshme të aeronautikës po gjejnë alternativa më të gjelbra të fluturimit me avion.

    Aeroplani elektrik më i madh në botë u ngrit në qiejt e Uashingtonit në Amerikë për të kryer fluturimin e parë.

    Mjeti fluturues me kapacitetin për të transportuar 9 pasagjerë përdor energjinë e baterive dhe erës për të lëvizur, dhe jo karburant, duke mos e ndotur kështu ambientin.

    Motori i avionit me 750 kuaj-fuqi arriti të enjten në ajër shpejtësinë 180 kilometra në orë.

    Mjeti u drejtua nga një pilot përgjatë 30 minutave, pa persona të tjerë në bord.

    Firma prodhuese e motorit, magniX, dhe prodhuesi i avionit, AeroTEC, thonë se fluturimet për klientët mund të mundësohen nga viti 2021.

    Vitin e kaluar një tjetër avion elektrik fluturoi në hapësirën kanadeze për 15 minuta.

    Sipas tyre projekti i fundit rrit shpresat që në një të ardhme të afërt industria e transportit ajror mund të kalojë drejt burimeve tërësisht të gjelbra, me një kosto të ulët si ekologjike, edhe financiare.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!