BMW e ndryshon logon e vet ikonike

BMW-ja e ka shpalosur logon e re pas më shumë se dy dekadash.


Logoja e rifreskuar e automjetit gjerman hedh unazën e zezë për një rreth transparent. Pjesa tjetër e tij, përfshirë edhe tipin, ka një pamje më të këndshme dhe më moderne. Mbetet emblema blu dhe e bardhë brenda unazës.

Nënkryetari i lartë i klientit dhe markës së BMW, Jans Thiemer, në një deklaratë për faqen e internetit të ndërmarrjes ka thënë se logoja e re, ka për qëllim të “rrezatojë më shumë hapje dhe qartësi”.

Ai shtoi se pamja e re gjithashtu simbolizon “domethënien dhe rëndësinë e BMW për lëvizshmërinë dhe kënaqësinë e makinës në të ardhmen”, shkruan Reporteri.net.

Logoja e re është shpalosur krahas pamjeve të veturës së re BMW i4 dhe përfaqëson “një shikim në të ardhmen” në i4, me 2021-tën si datë e planifikuar e prodhimit.

Kompania tha se modeli transparent i jep ngjyrës së jashtme të makinës “një përparësi edhe më të madhe”.

Logoja e mëparshme e BMW bëri debutimin e saj në 1997. Kompania ka pasur gjashtë logoja në historinë e saj 103-vjeçare, të gjitha ato kryesisht të ngjashme, shkruan Reporteri.net.

Doug Sellers, drejtori ekzekutiv krijues për firmën e projektimit Siegel + Gale, i tha CNN Business se logoja e re është një përmirësim dhe se ndjehet “më e hapur dhe e arritshme” për klientët e rinj që janë dixhital.

BMW është prodhuesi i dytë gjerman brenda gjashtë muajve të fundit që zbuloi një pamje të re.

Volkswagen (VLKAF) zbuloi një logo të sheshtë në Auto Show në Frankfurt, duke thënë se ishte “koha e duhur për ta bërë qëndrimin e ri të markës sonë të dukshme për botën e jashtme.” /Reporteri.net/.