Ekspertët e sigurisë kanë thënë se pronarët rusë të FaceApp nuk kanë qasje në galerinë tuaj të fotografive, por megjithatë ‘mund të ruajnë’ imazhin që e keni modifikuar.
Ekspertët kibernetikë të Check Point dhe disa skuadra të tjera hulumtuese kanë bërë një kontroll mbi aplikacionin dhe kanë deklaruar se nuk kanë mundur të gjejnë ndonjë dëshmi se ata po vjedhin të dhënat e përdoruesve, shkruajnë mediat e huaja, transmeton Reporteri.net.
FaceApp gjithashtu adresoi shqetësimet e privatësisë duke thënë se arsyeja kryesore për ruajtjen e fotos së ngarkuar është për të matur ‘performancën dhe trafikun’.
Në deklaratë, ata thanë se ndërsa ekipi kryesor i aplikacionit është vendosur në Rusi, të dhënat e përdoruesve nuk transferohen në Rusi.
Deklarata e tyre vjen pasi në publik u shfaq frika se ky aplikacion cenon privatësinë e përdoruesve. Madje u kërkua edhe ndërhyrja e FBI-së. /Reporteri.net