Reporteri.net në rrjetet sociale

Nacionale

Vuçiq: Zot i Kosovës nuk është as Thaçi, e as Haradinaj, por Kadri Veseli

Publikuar

më:

Presidenti i Serbisë, Aleksander Vuçiq, në konferencën për media pas mbledhjes së Këshillit të Sigurisë Kombëtare ka folur edhe për Kadri Veselin, kryeparlamentarin e Kosovës.

Vuçiq i cili ka thirrur urgjent këtë mbledhje pas vrasjes së Oliver Ivanoviqit në mëngjesin e sotëm në veri të Mitrovicës, ka folur edhe për deklaratën e Veseli i cili dje tha se “nëse Serbia tenton të kthehet sërish në Kosovë, ne nuk do të ndalemi më deri në Nish”.

Ai e ka quajtur “Zot të Kosovës” Veseli dhe çuditërisht nuk ka folur keq as për Thaçin e as për Haradinaj, shkruan lajmi.net.

“Është vështirë të flitet për dikë që keni kërcënime të përditshme, kërcënime këto që vijnë nga Zoti, e ky nuk është as Thaçi e as Haradinaj, por Kadri Veseli, dhe këtë e dinë të gjithë atë që e njohin mirë gjendjen në Kosovë, dhe i cili flet se si shqiptarët nuk do të ndalen deri në Nish”, ka thënë Vuçiq.

“Ne i kemi kuptuar ato kërcënime, si dhe heshtjen e atyre që ishte dashur të reagonin menjëherë”, ka thënë ai.

“Deri në Nish nuk do të vish dhe Nishi do të mbetet qytet i bukur, të cilin mund të vizitoni si turist, kurse që të vini me ushtri, harrojeni”, ka thënë në fund presidenti i Serbisë.

Reporteri.net ne FB

Të gjitha materialet në këtë portal janë të mbrojtura me të drejta autoriale të Reporteri.net. © Copyright: 2017 Reporteri.net | Adresa: Sheshi "Nëna Terezë" – Kompleksi Avalla, Prishtinë. Email: [email protected]; [email protected]