×
  • Lajme
  • Pa kategori

    Isufi: Nuk është e ndershme të thirresh në vlerat e UÇK-së e të mos e përkrahësh ligjin për vlerat e saj

    Reporteri
    21 Janar 2021 | 21:01

    Kandidati për deputet nga radhët e Aleancës për Ardhmërinë e Kosovës (AAK) dhe ish-komandant i Zonës së Karadakut, Ahmet Isufi, në emisionin ‘Kosova Voton’, në televizionin T7, ka folur për mosmiratimin e Ligjit për Vlerat e Luftës.


    Në përgjigjie të kandidatit të VV-së, Haxhi Avdyli, I cili deklaroi se VV-ja do të marrë 60 deputetë dhe do ta miratojë vetë ligjin, Ahmet Isufi u përgjigj se tendenca për ta votuar vetë tregon mosgatishmëri për të bashkepunuar për ta miratuar ligjin.

    “Mohimi në bllok mënjëherë ka tregu që s’ka gatishmëri. Cilado ka qenë substancë e këtij ligji është dasht ta shohin si ide dhe të japin kontribut për të”, tha ai.

    Tutje, Isufi u shpreh se shpreson që në qeverisjen e ardhshme të ketë një përbërje që të bëhen bashkë dhe ta kenë ligjin që mbron vlerën e UÇK-së dhe as mos të cenohet e as mos të mohohet, por të tregojë një realitet të UÇK-së.

    “Nuk është e ndershme të thirresh në vlerat e UÇK-së e të mos e përkrahësh ligjin për vlerat e saj”, shtoi ai.

    Isufi gjithashtu foli edhe për sondazhet të cilat janë duke u bërë.

    “Në sondazhe AAK, në çdo sondazh ka qenë mbi, prandaj konsideroj se sondazhet varen nga kush porositen”, theksoi Isufi.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!