×
  • Lajme
  • Pa kategori

    Kurteshi i VV-së akuzon Dakën se mban anën e PDK-së dhe LDK-së: Do të ndjekim të gjitha rrugët ligjore

    Reporteri
    22 Janar 2021 | 21:43

    Anëtari i KQZ-së nga radhët e Lëvizjes Vetëvendosje, Sami Kurteshi, ka bërë të ditur se ky subjekt politik do t’i ndërmarrë të gjitha rrugët ligjore pas mos certifikimit të listës së kandidatëve për deputet nga KQZ-ja.


    Ai në një konferencë për media ka thënë se beson që Paneli Zgjedhor për Ankesa dhe Parashtresa (PZAP) dhe Gjykata Supreme do të ndryshojnë këtë vendim të KQZ-së.

    “LVV-ja do t’i përdorë të gjitha rrugët ligjore, do të veprojmë sipas rrugës së Kushtetutës që është në dispozicion. KQZ-ja nuk ka kërkuar nga ne të bëjmë ndërrime të emrave të kandidatëve, Këshilli Gjyqësor i Kosovës (KGjK) nuk merr vendime vetëm i ofron KQZ-së informata si të veprohet për personat që kanë çfarëdo dënimi të plotfuqishëm nga një gjykatë në Kosovë”.

    “Ne nuk mendojmë, por jemi të bindur që LVV-ja do të garojë më 14 shkurt, si subjekt që do t’i fitojë zgjedhjet. Besoj se PZAP dhe Gjykata Supreme do të vendosin në favorin tonë sa i përket mos certifikimit të listës”.

    “KQZ-ja në krye me Valdete Dakën ka treguar anshmërinë dhe përkushtimit që të jenë në dispozicion të PDK-së dhe LDK-së”, ka thënë Kurteshi.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!