Pas mosecertifikimit të partisë së tij reagon Fatmir Limaj, fajëson PDK-në e LDK-në

Pa kategori

Pas mosecertifikimit të partisë së tij reagon Fatmir Limaj, fajëson PDK-në e LDK-në

Reporteri

22 Janar 2021 | 23:23

Pas moscertfikimit të subjektit politik Nisma Socialdemokrate dhe listës së kandidatëve të saj për deputet, ka ardhur reagimi i Fatmir Limajt.

Limaj e ka cilësuar si sulm të paprecedentë që po bëhet ndaj partisë së tij dhe ndaj procesit demokratik.

Tutje Limaj ka thënë se me këtë vendim LDK-ja dhe PDK-ja dëshirojnë që të heshtin zërin e vlerave kombëtare dhe të trashëgimisë së UÇK-së.

Lexo edhe:

Bogdanoviq: Kriminelët e Vuçiqit po i bëjnë presion serbëve në Kosovë

Edhe sot mot jostabil, diell e rrebeshe shiu

Ambasadori gjerman: S’mund të garantojmë se serbët do të marrin pjesë në zgjedhje

“Sonte ne kemi qenë dëshmitar të një sulmi të paprecedent në partinë tonë dhe në të gjithë procesin demokratik. KQZ-ja ka vendosur që të mos certifikojë disa parti politike që të marrin pjesë në zgjedhje. Është e qartë që ka një interes të madh që Nisma të mos jetë pjesë e parlamentit, që parlamenti i Kosovës të mos e ketë brenda një zë të qartë të UÇK-së. Me këtë vendim, PDK dhe LDK dëshirojnë që të heshtin zërin e vlerave kombëtare dhe të trashigimisë së UÇK-së në institucionet vendim-marrëse në proceset nëpër të cilat po kalon Kosova”, tha Limaj.

Ai thotë se KQZ-ja është shndërruar në një lojtar politik aktiv.

“Përderisa deri më tani gjithmonë, anëtarët e KQZ-së kanë miratuar vendimet e zyrave profesionale siç̧ ishte në këtë rast Zyra për Certifikim, kësaj radhe duke shpërfillë krejtësisht vendimin profesional të zyrës për certifikim, ata vendosën që të mos e certifikojnë NISMA Socialdemokrate”, shtoi tutje.

Limaj përmend edhe votat të ardhura nga Serbia në zgjedhjet e kaluara.

“Në raport me Nismën Socialdemokrate kjo nuk është hera e pare që na bëhet padrejtësi, në zgjedhjet e vitit 2019, zyra për pranimin e votave të ardhura nga Serbia në mënyrë ilegale, kishte rekomanduar në kundërshtim me ligjin pranimin e këtyre votave, në këtë rast KQZ kishte refuzuar të marrë vendim kundër këtyre votave sepse argumenti i tyre ishte se ka ardhur rekomandimi nga zyra profesionale. Siç e din opinion të gjitha këto beteja ligjorë NISMA Socialdemokrate i ka fituar, edhe kësaj radhe jemi të sigurt se në hapat e ardhshëm legal do të triumfojmë”, ka shkruar Limaj

Shpërndaje: